Ivar Orvedal skal bidra med eit kunstnarleg innslag i samband med opninga av kraftstasjonen i Måren 26. august.
-Etter at det vart bestemt at det skulle bli kraftutbygging i Måren har eg hatt eit flott samarbeid både med BKK og entreprenøren. Ein kan godt kalle det forsoning, seier Orvedal til Ytre Sogn.
Skrive av: Rune Sviggum (26.07.10 - 13:42)
Det er no bestemt at den nye kraftstasjonen i bygda skal opnast 26. august, og eitt av innslaga i samband med opninga er det Orvedal som skal stå for.
-Eg er ikkje heilt ferdig med opplegget enno, så eg er ikkje heilt sikker på kva det blir, seier han.
Det er BKK som har invitert Orvedal til å delta med eit kunstnarleg innslag, og kulturarbeidaren frå Måren nyttar høvet til å rose Kjell Harald Lunde i BKK for samarbeidet dei har i samband med kulturinnslaget. Forsoning
-Det er viktig for meg å få fram at dette er forsoning frå mi side. Eg er komen til at ein må akseptere verdas gang, men utan å bli likegyldig, seier han, samstundes som han nok ein gong skryt av det gode samarbeidet han har med både utbyggaren BKK og entreprenøren.
-Eg har berre positivt å seie om begge partar, legg han til. Dei som gjer jobben
I det kunstnarlege innslaget i samband med opninga av kraftstasjonen seier Orvedal at han kjem til å legge vekt på dei som gjer jobben. Les meir i papirutgåva.
|
|
