Våre private GPS-målingar syner at fellesarealet på om lag 2 044 kvadratmeter blir redusert til 1 083 kvadratmeter. Med løysinga som no er valt misser vi 961 kvadratmeter, skriv oppsitjar Arne Ueland på Kyrkjebø i eit brev til Statens vegvesen.
Skrive av: Rune Sviggum (30.07.10 - 15:10)
Ueland skriv at den noverande løysinga representerer ei tapt breidde på om lag sju meter i heile parkområdet si lengd, i høve til tidlegare.
Han skriv at Statens vegvesen, saman med entreprenør Per A. Øren , har laga ein vakker steinmur mellom den nye gangvegen og eigedommane i Hatlelivegen. Dei har vore fleksible i høve dei løysingar som grunneigarane har ønskja utanfor sine respektive eigedomar. Men, det syner seg no at arbeidet ikkje blir fullført slik oppsitjarane har hatt ønskje om i brev til Statens vegvesen og Høyanger kommune. Taper 1 600
kvadratmeter
Med den skrånande vegskjeringa over sprengt fjell som no er planlagt ned mot gangvegen, misser vi ytterlegare fem-seks meter og det flate arealet vi hadde tilgang til tidlegare. Om dette blir endeleg vil vi misse eit bruksareal på om lag 12-13 meter i heile fellesarealet si lengd. Dette representerer eit samla tap av flatt bruksareal på om lag 1 600 kvadratmeter, og som vil vere borte for godt med denne løysinga. Bruksverdien for oppsitjarane vil med dette bli dramatisk redusert, skriv Ueland. Undrande
Det er her oppsitjarane stiller seg undrande til Statens vegvesen sitt val av løysing og tilsynelatande manglande respekt for den verdien området har for oppsitjarane og det arbeidet som er lagt ned av dei nærmaste naboane til parkområdet. Les meir i papirutgåva.
|
|
