|
Statkraft held fram kabelprosjektet sitt i Høyangerfjellet, der det gamle linjenettet blir skifta ut, og nye kablar blir grevne ned i bakken. - Statkraft sin politikk er å få flest mogleg av linjene under bakken, fortel Børge Austreim i Statkraft til Ytre Sogn.
Skrive av: Vegar Volle (30.07.10 - 15:16)
Tysdag var vegen forbi Siplo stengd, i samband med gravinga av ei kabelgrøft. Onsdag morgon var vegen open att.
Det er Statkraft som held fram kabelprosjektet sitt, der det gamle linjenettet blir skifta ut med kablar som skal gå i bakken. Entreprenørfirmaet Per A. Øren AS utfører gravearbeidet, og tysdag var Egil Devik, Tor Ullebø og Henry Solheim i arbeid med å grave ei grøft på opp til tre meters djupne. Nytt pumperøyr
- Grøfta er så stor at vi er nøydde til å stenge vegen, seier Børge Austreim i Statkraft, og legg til at dette har samanheng med ei planlagd rehabilitering av anlegget på Siplo.
- Neste år er det planlagt å rehabilitere dam og pumpestasjon ved Siplo. Då skal det leggast eit nytt pumperøyr i bakken som kryssar den kabelgrøfta vi grev no. For å få plass til pumperøyret må vi difor grave mellom 2,5 og tre meter ned. I dag går pumperøyret i lufta, om lag fire til fem meter over vegbana, forklarar Austreim.
Han fortel at det er mykje folk som passerer området, og legg til at det er kjempebra at mange brukar fjellet.
- Folk er blide og positive, og har vist stor forståing for at vi måtte stenge vegen, seier Austreim. Les meir i papirutgåva.
|
|
