- Eg er rimeleg sikker på at vi skal tene pengar på Strandos kraftverk, seier Terje Solheim til Ytre Sogn.
Saman med tre andre grunneigarar har Solheim investert meir enn 15 millionar kroner i prosjektet.
Skrive av: Geir Ivar L. Ramsli (22.06.12 - 14:23)
- Vi har brukt om lag sju år frå vi starta planlegginga og til kraftverket kom i produksjon, seier dagleg leiar Terje Solheim til Ytre Sogn.
Solheim, som har vore initiativtakar og pådrivar for bygginga, fortel at prosessen starta i januar-februar 2005 då han og ein av dei andre grunneigarane var på eit møte som NVE heldt i Høyanger.
- Kraftverket er heilt privatbygd, og eigd av fire grunneigarar med varierande eigardel, seier Solheim.- Vi leigde inn ingeniør Hermod Seim i Sandane til prosjekteringa, og alt i alt har heile anlegget kosta ein stad mellom 15 og 16 millionar kroner. Sidan anleggsarbeidet med tildekking og tilstelling av landskapet vart avslutta for berre ei dryg vekes tid sidan, har vi ikkje fullstendig oversikt over dei aller siste kostnadane. Kraftverket har derimot vore i drift snart tre månadar.
- Prosessen har stort sett gått greitt, men planen var å leggje røyrgata på motsett side av elva, men miljøvernavdelinga hos Fylkesmannen i Sogn og Fjordane fann nokre planter i området som måtte takast omsyn til, og i tillegg var det indikasjonar på at myrtypen i området var spesielt verdfull. - Røyrgata som er om lag 850 meter lang, er av glasfiberarmert polyester og har ein diameter på ein meter, og turbinen som driv generatoren er av typen Francis. Frå inntaket og ned til kraftstasjonen er fallet 104 meter, og røyra er lagde ned i bakken og jorda er lagt attende, og området er stelt til att. Bygget er i betong, og kledd med osp som vi har hogge oppe i lia her og materialen er skoren på eit mobilt sagbruk som eg eig saman med ein annan. Ikkje alt er ferdig enno, mellom anna skal vi leggje torvtak på kraftstasjonbygget. - Sidan inntaket er i elva har vi ikkje noko magasin å tappe frå i turre periodar. Vi er avhengige av snøsmelting og regn, og i turre periodar er det ikkje alltid nok vatn i elva til å produsere. I tillegg har vi krav om å sleppe forbi 80 liter per sekund som minstevassføring til ei kvar tid.
Les meir i papirutgåva
|
|
